Astanada áıeldi soqqyǵa jyqqan kúdikti izdestirilip jatyr
ASTANA. QazAqparat - Astanada belgisiz bireý áıelge qaraqshylyq shabýyl jasap, soqqyǵa jyqty. Áıeldi qaraqshynyń qolynan syrtqa temeki shegýge shyqqan kórshisi qutqaryp qalǵan, dep habarlaıdy QazAqparat tilshisi.
Astana qalalyq polıtsııa departamentiniń málimetinshe, oqıǵa 9 qańtar kúni túngi saǵat 1 shamasynda Dıvaev kóshesi boıynda oryn alǵan. Qazirgi ýaqytta polıtsııa izdep jatqan kúdikti áıeldiń sómkesin tartyp almaq bolǵan. Oqıǵanyń beınetaspaǵa túsip qalǵan jazbasy áleýmettik jelide tarady.
«Boıy 170-175 santımetr bolatyn 35-40 jastaǵy er adam izdestirilýde. Qara tústi kúrteshe kıgen, basynda qulaqshyn bolǵan. «Tonaý» baby boıynsha sotqa deıingi tergeý júrip jatyr», - dedi departamentten.
Sonymen qatar, Astana qalalyq polıtsııa departamenti kúdikti týraly qandaı da bir aqparat bilseńiz, Saryarqa aýdandyq polıtsııa basqarmasyna (Aqbuǵa k. 2) nemese myna telefon nómirlerine habarlasýyńyzdy ótinedi: 8 (7172) 71-66-76, 71-66-40, 87011288185 jáne 102.
