Astanada áıelderdi tonap kelgen túngi qaraqshylar toby ustaldy
ASTANA. QazAqparat - Elorda polıtsııasy áıelderdi tonaýmen aınalysatyn 4 adamnan turatyn topty quryqtady, dep habarlaıdy QazAqparat tilshisi.
«19 qańtarda áıelderge kúsh kórsetip, olardyń sómkelerin tartyp alǵan 4 adamnan turatyn qylmystyq top ustaldy. 18 qańtarda Astana turǵyny saǵat 21.00-de, saýda-oıyn saýyq ortalyǵynyń janynda belgisiz bireýler kúsh kórsetip sómkesin tartyp alǵany jóninde habarlasqan bolatyn. Jedel izdestirý barysynda kóp uzamaı 4 kúdikti qolǵa túsip, ýaqytsha qamaý ızolıatoryna qamaldy. Zattaı aıǵaqtar qaskóılerdiń ýaqytsha turyp jatqan jerinen tárkilendi», - delingen Astana qalasy polıtsııa departamentiniń habarlamasynda.
Qazirgi ýaqytta tonaý faktileri boıynsha sotqa deıingi tergep-tekserý júrip jatyr. Sonymen qatar, ustalǵandardy basqa da osyǵan uqsas qylmysqa qatysy bar-joqtyǵy tekserilýde.
Astananyń polıtsııa departamenti eger ustalǵandardyń qylmystyq áreketterinen zardap shekken azamattar bolsa, departamentke (Beıbitshilik, 19) nemese myna telefondarǵa: 8 (7172) 71-61-51; 8-777-303-36-07 , «102» habarlasýdy suraıdy.
Eske sala keteıik, biz buǵan deıin Astanada áıeldiń sómkesin tartyp almaq bolyp, soqqyǵa jyqqan azamattyń izdestirilip jatqanyn habarlaǵan bolatynbyz.
