Astanada áıelder men jastarǵa arnalǵan bos oryndar jármeńkesi ótti

ASTANA. QazAqparat - «Jastar» saraıynda Astana qalasynyń ákimdigi Jumyspen qamtý ortalyǵynyń uıymdastyrýymen bos oryndar jármeńkesi ótip jatyr. Bul týraly elordanyń resmı saıty habarlady.

Jármeńkege jumys izdegen júzdegen elorda turǵyny men qonaqtary kelýde. Bul bıyl ótkizilip otyrǵan besinshi jármeńke, jáne bul joly shara áıelder men jastarǵa arnalǵan, sebebi Jumyspen qamtý ortalyǵyna júginetinderdiń 60% áıelder.

- Bul úlken jármeńke, oǵan 60 jumys berýshi qatysýda. Búgin túrli salalardan bos oryndar usynylyp otyr, atap aıtqanda, qyzmet kórsetý salasy (qonaq úıler, meıramhanalar, dúkender, saýda úıleri), qurylys sektory, bilim jáne densaýlyq saqtaý salasy, tehnıkalyq mamandyqtar boıynsha jáne ishki ister organdarynan da bos oryndar bar, - dedi Astana qalasy Jumyspen qamtý ortalyǵynyń basshysy Omar Oljas.

Jalpy, bıyl elordada 12 bos oryndar jármeńkesi ótkiziledi. Qazirgi kezde tórt jármekeniń qorytyndysy boıynsha 116 adam turaqty jumyspen qamtyldy.

Bıyl Jumyspen qamtý ortalyǵy arqyly jumysqa ornalasqandardyń teń jartysy áıelder. Jyl basynan beri 2 246 adam jumysqa ornalasqan, olardyń 1 086 áıel.

919 adam qoǵamdyq jumystarǵa tartyldy, onyń ishinde 620-y qyz-kelinshek.