Astanada áıelder kúresi akademııasy ashyldy
ASTANA. QazAqparat - Búgin Astanada Áıelder kúresi akademııasy ashyldy, dep habarlaıdy QazAqparat.
Akademııanyń ashylý saltanatyna Ulttyq Olımpıada komıteti prezıdentiniń keńesshisi Baqytjan Ordabaev, áıelder kúresi boıynsha vıtse-prezıdent Gýzel Manıýrova, QR Grek-rım, erkin jáne áıelder kúresi federatsııasynyń bas hatshysy Anatolıı Voloha qatysty.
Sonymen qatar, aıtýly sharaǵa bokstan London Olımpıadasynyń chempıony Serik Sápıev pen Rıo Olımpıadasynyń kúmis júldegeri Vasılıı Levıt, jeńil atletıkadan Sıdneı olımpıadasynyń jeńimpazy Olga Shıshıgına syndy el sportyna eńbegi sińgen sportshylarymyz kelip, boıjetkenderge arnalǵan akademııanyń tynys-tirshiligimen tanysyp, joǵary baǵasyn berdi.
Sporttyq keshenniń ashylýyna Sporttyq jekpe-jek jáne kúsh qoldanylatyn sport túrleri konfederatsııasy, QR Grek-rım, erkin jáne áıelder kúresi federatsııasy muryndyq bolǵan.
Federatsııa basshylarynyń aıtýynsha Akademııada balýandarǵa arnalǵan arnaıy ashana, jatyn oryndary, jattyǵý zaly, demalys bólmeleri qarastyrylǵan. Bir sózben aıtqanda, boıjetkenderimizdiń alańsyz daıyndalýyna Federatsııa tarapynan barlyq jaǵdaı jasalǵan.
Akademııanyń ashylý saltananyn keıin Qaırat Saǵadıev baptaıtyn Qazaqstannyń áıelder quramasy alǵashqy jattyǵýlaryn bastap ketti.
Esterińizge sala keteıik, aqpannyń 27-si men naýryzdyń 4-i aralyǵynda Qyrǵyzstannyń Bishkek qalasynda kúres túrlerinen Azııa chempıonaty ótedi.
Foto: www.wrestling.kz
