Astanada áıelder arasyndaǵy kásipqoı tennısshiler týrnıri bolady
ALMATY. 11 maýsym. QazAqparat /Erlik Erjanuly/ - Astanada 13-19 maýsym kúnderi Halyqaralyq tennıs qaýymdastyǵynyń serııasyndaǵy áıelder arasyndaǵy kásipqoı tennısshilerdiń «Astana Women's» týrnıri ótedi.
QR Tennıs federatsııasy taratqan habarlamaǵa qaraǵanda, júlde qory 25 myń AQSh dollaryn quraıtyn bul baıraqty básekege Qazaqstan, Vengrııa, Slovenııa, Ýkraına, Chehııa, Reseı, Germanııa, Qyrǵyzstan, Italııa, Grekııa, Serbııa, Ulybrıtanııa men Izraılden sportshylar qatyspaq. Ulttyq tennıs ortalyǵynda ótetin bul dodaǵa 14 jastan joǵarǵy tennısshiler qatysady. Onda el namysyn qorǵaıtyn sportshylar arasynda Kamıla Kerimbaeva, Zalına Haırýtdınova, Darıa Berejnaıa, Natalıa Berejnaıa sııaqty Qazaqstan tennısiniń jas juldyzdary bar.
