Astanada áıel júrgizýshilerdiń qatysýymen jol apaty boldy
ASTANA. QazAqparat - Astana qalasynda 3 sheteldik markadaǵy «Toyota camry 40», «Mersedes» jáne «Toyota camry 20» avtokólikteri soqtyǵysty.
Esildiń sol jaǵalaýyndaǵy Saýran jáne Almaty kósheleriniń qıylysynda oryn alǵan jol-kólik oqıǵasyna tap bolǵan júrgizýshilerdiń ekeýi áıel. Sonymen qatar, bir kólikte júrgizýshi áıelden bólek eki jas bala da bolǵan. Bul týraly Astana qalasy Іshki ister basqarmasynyń baspasóz qyzmetinen habarlandy.
«Jedel járdem oqıǵa ornyna birden jetti. Qatty tıgen soqqydan «Toyota camry 20» kóliginde jolaýshy artqy oryndyqta qysylyp qalǵan. Jedel járdem zardap shekken áıeldi zembilmen áketti», - delingen baspasóz baıanynda.
Aqparatqa qaraǵanda, jol-kólik oqıǵasy saldarynan azdap qorqyp qalǵandar bolmasa, basqa eshkim zardap shekpegen.
Kýágerlerdiń sózine qaraǵanda, jol-kólik oqıǵasyna «Toyota 40» kóligin basqarǵan áıel-júrgizýshi kináli. Ol qozǵalys barysynda basqalardyń ótýine jol bermegen, saldarynan úsh kólik birden soqtyǵysqan. Degenmen, naqty kinálini jol polıtsııasy anyqtaıtyn bolady.
