Astanada áıel kásipkerlerdiń úlesi artyp keledi

ASTANA. KAZINFORM — Ulttyq statıstıka bıýrosynyń derekterine súıensek, elordada 205,6 myń jeke kásipker tirkelgen.

Olardyń ishinde áıel basshylardyń úlesi 53,6 paıyzdy, ıaǵnı 110,3 myń adamdy quraıdy. Qala ákimdigi baspasóz qyzmetiniń málimetinshe, bul Astanada áıelderdiń kásipkerlik belsendiligi joǵary ekendigin kórsetedi.

— Áıel kásipkerler basqaratyn kásiporyndar negizinen saýda salasynda shoǵyrlanǵan — 44,3 myń nysan. Sonymen qatar, qyzmet kórsetý salasynda 21,2 myń, jyljymaıtyn múlikpen operatsııalar baǵytynda 11,3 myń kásiporyn jumys isteıdi. Áıelderdiń úlesi óńdeýshi ónerkásipte (5,2 myń) jáne bilim berý salasynda (4,7 myń) da aıtarlyqtaı, — delingen habarlamada.

Bul kórsetkishter áıel kásipkerlerdiń qala ekonomıkasynyń damýyna qosyp otyrǵan úlesin jáne ártúrli salalarda belsendi qyzmet atqaryp otyrǵanyn aıqyn dáleldeıdi.

Buǵan deıin kásipkerlerge arnalǵan biryńǵaı baılanys ortalyǵy iske qosylatynyn jazǵan edik.