Astanada aıdap áketken kóligimen jol apatyna ushyraǵan júrgizýshi kóz jumdy

ASTANA. QazAqparat - Astanada aıdap áketken kóligimen jol apatyna ushyraǵan júrgizýshi kóz jumdy, dep habarlaıdy QazAqparat ІІM-ne silteme jasap.

«Astanada 18 sáýir kúni Subaru avtomashınasynyń júrgizýshisi Tilendıev dańǵylymen júrip kele jatyp, róldi basqara almaı, ilespe baǵytta kele jatqan Howo júk kóligimen soqtyǵysýǵa jol bergen.

JKO saldarynan Subaru júrgizýshisi alǵan jaraqatynan oqıǵa ornynda qaıtys boldy», - dep jazdy vedomstvodan.

Tekserý barysynda Subaru avtokóliginiń aıdap áketilgeni anyqtaldy.

Atalǵan fakti boıynsha sotqa deıingi tergep-tekserý bastaldy. QR Qylmystyq-protsestik kodeksiniń 201-baby negizinde tergeý múddesinde sotqa deıingi tergep-tekserýdiń ózge de derekteri jarııa etilýge jatpaıdy.