Astanada aıazǵa baılanysty tegin taksı uıymdastyrylyp, ystyq tamaq taratyldy
Aıazdy aýa raıyna baılanysty elordalyq meshitter «10 ıgi is» aktsııasyn qoldap, adamdardy tegin tasymaldaıdy jáne kommýnaldyq qyzmet mamandaryn ystyq túski aspen qamtamasyz etedi, dep habarlaıdy Kazinform ákimdikke silteme jasap.
Táýelsizdik kúni qarsańynda elordada «10 ıgi is» uranymen áleýmettik qaıyrymdylyq is-sharalary ótip jatyr.
Basty maqsat — qala men onyń turǵyndary úshin ıgi is jasaý.
«Mundaı aktsııalardy ótken jyldary da uıymdastyrǵanbyz. Astananyń aıazdy kúnderinde azamattarymyzǵa kómek qolyn sozǵymyz keledi. Ózge júrgizýshilerdi aktsııaǵa qosylýǵa jáne turǵyndarǵa kómektesýge shaqyramyz», — dep atap ótti Astananyń bas ımamy Erbolat Júsipov.
Esterińizge sala keteıik, osyǵan deıin elordalyq eriktiler turǵyndarǵa ystyq shaı men baýyrsaq taratý aktsııasyn bastaǵan bolatyn.
Olar aıaldama keshenderin aralap, avtobýs salondarynda kondýktorlarǵa, júrgizýshilerge jáne jolaýshylarǵa ystyq shaı men baýyrsaq taratqan.
Qala turǵyndary estafetaǵa qoldaý kórsete alady, sol sııaqty izgilik aktsııasy aıasynda óz akkaýnttarynda #meıirimdibolýádet, #dobrotaobrazjıznı #modnobytdobrym heshtegimen aqparattar nemese vıdeolar jarııalaı alady.
Bul kúnderi Astanada sarshunaq aıaz kúsheıip tur. Aýa temperatýrasy -30 gradýs aıazdy kórsetip tur.
Qala turǵyndary men qonaqtary abaı bolǵany, jaraqat alyp, úsik shalmas úshin kóshede uzaq ýaqyt júrmegeni jón.
