Astanada aıaz saldarynan ekinshi aýysymdaǵy mektep oqýshylary men kolledjderdiń 1-2 kýrsynda oqıtyndar úshin sabaqtar bolmaıdy

Bul týraly Astananyń bilim basqarmasynyń baspasóz qyzmetinen habarlady. Qala boıynsha ortasha aýa temperatýrasy - mınýs 35 gradýs.

 Esterińizge sala keteıik, oqý jylynyń qysqy kezeńinde oqýshylardyń qaýipsizdigi men densaýlyǵyn saqtaý maqsatynda  1-4 synyptarda aýanyń temperatýrasy -25 gradýs jáne odan tómen bolǵanda; 1-9 synyptarda aýanyń temperatýrasy -30 gradýstan tómen bolǵanda; 1-11(12) synyptarda, kásiptik lıtseılerde, kolledjderde (1-2 kýrs oqýshylary úshin)  - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.