Astanada aıaldamany soqqan júrgizýshi 2 mln teńge tóleıtin boldy
ASTANA. QazAqparat - Astanada aıaldamany soqqan kólik júrgizýshisine 2 mln teńge aıyppul salyndy, dep habarlaıdy QazAqparat elordalyq sottyń baspasóz qyzmetine silteme jasap.
«Mitsubishi júrgizýshisi rýlge ıe bola almaı qalyp, elordalyq kompanııalardyń birine tıesili aıaldama keshenine baryp soǵylǵan. Er adam QR Ákimshilik quqyqbuzýshylyq týraly kodekstiń 610-babynyń 1-bóligine sáıkes ákimshilik jaýapqa tartylyp, aıypty dep tanyldy», - delingen habarlamada.
Jyljymaıtyn menshikti jóndeýge ketken qarajat 1 921 795 teńgeni quraǵan. Astana qalasy Saryarqa aýdandyq soty osy materıaldyq shyǵyndy júrgizýshiden óndirýge sheshim shyǵardy.
Úkim zańdy kúshine engen joq.
