Astanada aıaldamany syndyrǵan jasóspirim jaýapqa tartyldy
ASTANA. KAZINFORM — Bógenbaı batyr dańǵylynda jasóspirim aıaldama pavılonynyń áınegin teýip syndyryp, oqıǵa ornynan boı tasalaǵan.
Polıtsııa qyzmetkerleri quqyq buzýshyny anyqtady. Usaq buzaqylyq jasaǵany úshin ol ákimshilik jaýapkershilikke tartyldy.
Kámeletke tolmaǵan jasóspirim profılaktıkalyq esepke alyndy. Onyń minez-qulqy men jasaǵan quqyq buzýshylyǵy kámeletke tolmaǵandardyń isteri jónindegi komıssııa otyrysynda jeke qaralyp, tıisti profılaktıkalyq sharalar qabyldanady.
Jasóspirimniń ata-anasy da balany tárbıeleý jónindegi mindetterin tıisinshe oryndamaǵany úshin ákimshilik jaýapqa tartyldy.
Qalalyq múlikke keltirilgen zalal zańdy ókilderinen tolyq kólemde óndirilip alynady.
