Astanada aıaldamalardyń birindegi kúdikti zat turǵyndardy dúrliktirdi
ASTANA. KAZINFORM – Áleýmettik jelide Astana qalasynyń Turan dańǵylyndaǵy aıaldamalardyń birinen kúdikti zat tabylyp, polıtsııa mańaıdy qorshaýǵa alǵany týraly málimet taraǵan.
Qalalyq polıtsııa departamenti oqıǵanyń mán-jaıyn baıandap, resmı málimet usyndy.
«Polıtsııa departamentine Turan dańǵylyndaǵy «Anvar» sýpermarketine qarama-qarsy ornalasqan aıaldamada gıtara tabylǵany, onyń ishinde jarylǵysh zat nemese qujattar bolýy múmkin ekeni týraly habar tústi.
Tekserý qorytyndysy boıynsha, aıaldamadaǵy zat qurylystan qalǵan, eshqandaı qaýpi joq qoqys ekeni anyqtaldy», - delingen polıtsııa málimetinde.
