Astanada aıaldamadan 66 jastaǵy er adamnyń denesi tabyldy

ASTANA. KAZINFORM – Búgin elordadaǵy A-108 kóshesinde ornalasqan qoǵamdyq kólik aıaldamasynan er adamnyń denesi tabyldy. Aqparatty qalalyq polıtsııa departamenti rastady.

Aldyn ala málimetke sáıkes, oqıǵa ornyna jedel járdem brıgadasy shaqyrylǵan.

Densaýlyq saqtaý basqarmasynyń habarlaýynsha, medıtsına qyzmetkerleri er adamnyń bıologııalyq ólimin tirkegen.

– Jedel járdem brıgadasy oqıǵa ornyna jetken kezde azamattyń bıologııalyq ólimi anyqtaldy. Qazirgi ýaqytta bolǵan jaıttyń mán-jaıyn anyqtaýǵa baǵyttalǵan tekserý júrgizilip jatyr. Qajetti saraptamalar taǵaıyndaldy, – dep habarlady basqarmadan.

Astana qalalyq polıtsııa departamenti marqumnyń jeke basy anyqtalǵanyn málimdedi.

– Aıaldamadan tabylǵan er adamnyń 66 jasta ekeni belgili boldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tekserý júrgizilip jatyr. Qajetti saraptamalar taǵaıyndaldy, – delingen vedomstvo taratqan aqparatta.

Polıtsııa málimetinshe, atalǵan jaǵdaı kóktaıǵaqpen baılanysty emes.

Qazirgi tańda ýákiletti organdar oqıǵanyń naqty sebepterin anyqtap jatyr.

Aıta keteıik, Astanada aıaldamany qıratyp ketkender sot sheshimimen 10 táýlikke qamaýǵa alynǵanyn jazǵan edik.