Astanada aıaldamadaǵy adamnyń soqqyǵa jyǵylýy: Kúdikti ustaldy
ASTANA. QazAqparat - Astanalyq polıtseıler aıaldamada otyrǵan er adamdy soqqyǵa jyǵý oqıǵasy boıynsha kúdiktini ustady, dep habarlaıdy «QazAqparat» tilshisi elordanyń ІІD baspasóz qyzmetine silteme jasap.
Qazir qolǵa túsken kúdikti tergelip jatyr.
Esterińizge sala keteıik, buǵan deıin áleýmettik jelilerde belgisiz bireýdiń egde jastaǵy er adamdy avtobýs aıaldamasynda soqqyǵa jyqqany týraly vıdeo jarııalanǵan edi. Oqıǵa 8 sáýir kúni Shoqan Ýálıhanov kóshesiniń boıynda bolǵan.
Astana qalalyq ІІD-den málimdegendeı, atalǵan fakti QR QK-niń 290-baby (buzaqylyq) boıynsha sotqa deıingi tergep-tekserýdiń biryńǵaı tizilimine tirkeldi.
Polıtseıler oqıǵanyń mán-jaıyn anyqtaý úshin zardap shekken adamdy da izdestirýde.
Bul oqıǵa týraly qandaı da bir aqparatty biletinder Astana qalasyndaǵy «Saryarqa» aýdandyq ІІB-ne, ne bolmasa 8 (7172) 71-66-10, 71-66-11, 71-61-24 telefon nómirlerine qońyraý shalýyna bolady.
