Astanada aıaq kıim dúkeninde áıeldi pyshaqtap ketti
«Búgin saǵat 18.39-da «102» arnasyna er adamnyń qyzdy pyshaqtap óltirgeni týraly qońyraý tústi.
Oqıǵa ornyna dereý polıtsııa jasaǵy shyqty. Atalmysh fakti rastaldy.
Dúken ishindegi kassa mańynan edende jatqan pyshaq jaraqaty bar áıeldiń denesi tabyldy. Alǵan jaraqattarynan 32 jastaǵy azamatsha jedel járdem kelgenge deıin kóz jumdy», - delingen habarlamada.
Anyqtalǵandaı, er adam aıaq kıim dúkenine kirip, kassaǵa jaqyndaǵan. Keıin marqum bolǵan áıeldiń áriptesin ıterip jiberip, oǵan pyshaqpen shabýyl jasaǵan.
«Elordanyń polıtsııa qyzmetkerleri 32 jastaǵy er adamdy ustady. Zattaı dálel tárkilendi. Qajetti saraptamalar taǵaıyndaldy.
Fakti boıynsha QR QK-niń 99-babymen (Kisi óltirý) qylmystyq is qozǵaldy. Kúdikti ýaqytsha ustaý ızolıatoryna qamaldy», - dedi polıtsııadan.