Astanada aı saıyn 1400 jańa kásiporyn ashylady
ASTANA. QazAqparat - Qala ekonomıkasyndaǵy shaǵyn jáne orta bıznestiń úlesi 54,4 paıyzdy qurady. Astana memlekettik qyzmetshilerdiń qalasynan kásipkerlerdiń qalasyna aınaldy. Bul týraly «Astana aqshamy» gazetine bergen suhbatynda Astananyń eks-ákimi Áset Isekeshev aıtty, dep habarlaıdy Elorda Info.
Ár aı saıyn 1400 jańa kásiporyn ashylýda. Al jyl basynan bastap Astanada 12 myń jańa jumys orny quryldy. Bul ótken jylmen salystyrǵanda 16,5 paıyzǵa kóp. Onyń 10,9 myń orny - shaǵyn jáne orta bıznes salasynda.
«Qazirdiń ózinde biz elorda ekonomıkasynda eleýli ózgeristerdi kórip otyrmyz. Týrızm, óńdeý ónerkásibi, AKT, kólik sııaqty salalar aıtarlyqtaı ósimdi kórsetip otyr, al memlekettik basqarý sektory boıynsha JÓÓ úlesi tómendeýde. Bul Astana qalasynyń memlekettik qyzmetkerler qalasynan kásipkerler qalasyna aınalǵanyn taǵy da dáleldeıdi.
Taǵy bir derek, búginde qalanyń basty ınvestory kim dep oılaısyz? Bul - shaǵyn kásipker. Qalanyń barlyq ınvestıtsııalarynyń shamamen 70 paıyzy - shaǵyn bıznesten, tipti ortashadan da emes», - dedi ol.
