Astanada avtoturaqtar úshin aqyny keıin tóleýge bolady
ASTANA. QazAqparat - Astanada avtoturaqtar úshin aqyny keıin tóleý fýnktsııasy iske qosyldy. Jańa múmkindikti avtokólik ıeleri qazirdiń ózinde «ParkovkıAstany» mobıldik qosymshasynda jáne astanapark.kz saıtynda paıdalana alady, dep habarlaıdy QazAqparat.
Endi kólik turaǵy úshin aqyny sol táýliktiń sońyna deıin tóleýge bolady.
«Aqy tóleý kezinde turaq aımaǵynyń nómirin, turaq sessııasynyń bastalýy men uzaqtyǵyn kórsetý, tehnıkalyq pasportqa sáıkes avtomobıldiń memlekettik nómirin durys engizý qajet.Tólem sol kúni saǵat 23:59-ǵa deıin júrgizilse, aıyppul eseptelmeıdi», - delingen «Astananyń turaq keńistigi» JShS málimetinde.
Avtoturaqtardy paıdalaný úshin abonementter de engizilgen. Abonement ıeleri qala boıynsha barlyq aqyly aımaqtarda kóligin turaqqa qoıa alady. Al tirkeý júıesi tólem aqysyn avtomatty túrde esepteıdi. Jeńildikti sanattaǵy azamattar men erekshe qajettiligi bar tulǵalar úshin turaqtardy paıdalaný – tegin.
Aıta keteıik, demalys jáne mereke kúnderi avtoturaqtardy paıdalaný tegin. Aqy tek jumys kúnderi saǵat 8:00-den 20:00-ge deıin alynady.
