Astanada avtorlyq ánder festıvali ótedi
ASTANA. QazAqparat - 22 shildede «Astana» halyqaralyq avtorlyq ánder festıvali shymyldyǵyn ashady. 18-shi ret ótkizilgeli otyrǵan sharaǵa Qazaqstan, Reseı jáne Ýkraına elderiniń oryndaýshylary men avtorlary qatysady. Bul týraly Astana qalasy ákiminiń resmı saıty habarlady.
Vladımır Vasılev (Harkov), Raısa Nýr (Máskeý), Nadejda Kovalenko (Novosibir) jáne Jeńis Ysqaqov (Omby) festıvaldiń qurmetti qonaqtary bolady.
Merekelik baǵdarlamaǵa kontsertter men konkýrstar endi. Shara saǵat 20.00-de qalalar sherýimen ashylady, saǵat 21.00-de festıval qonaqtarynyń kontserti ótedi, al saǵat 23.00 delegatsııalar óz ónerlerin ortaǵa salady.
Senbi kúni, 23 shildede avtorlyq ánder festıvali tańǵy saǵat 10.00 jattyǵýdan bastalady. Sodan keıin balalar kontserti, festıval qonaqtarynyń qatysýymen shyǵarmashylyq kezdesýler men sheberlik dáristeri, «Pegas» klýbynyń ádebı-poetıkalyq oqýlary uıymdastyrylady. Senbilik kesh kontsertpen aıaqtalady.
Jeksenbi kúni gala-kontsert pen jeńimpazdardy marapattaý saltanaty ótedi.
Festıval Qaraǵandy tasjolynyń boıyndaǵy «Prıchal» qonaq úıinde ótedi. Tolyq aqparatty 8-701-532-4408 telefony boıynsha alýǵa bolady.
