Astanada avtoparkterdiń 7 laýazymdy tulǵasy jaýapkershilikke tartyldy
ASTANA. QazAqparat - Astana qalalyq ishki ister departamenti aǵymdaǵy jyldyń 28-30 shilde kúnderi aralyǵynda elorda aýmaǵynda «Avtobýs» jedel-aldyn alý sharasyn ótkizip jatyr.
«Polıtsııanyń 800-den astam qyzmetkeri kóliktik baqylaý organdary qyzmetkerlerin tartyp jolaýshylardy tasymaldaýǵa arnalǵan qoǵamdyq kólik júrgizýshileriniń tarapynan jol qozǵalysy erejelerin óreskel buzýshylyqtaryn anyqtaý, avtobýstardyń tehnıkalyq jaǵdaıyn tekserý boıynsha reıdtik sharalardy júrgizýde, avtobýstardy normatıv pen standarttar talaptaryn buzý arqyly júrgizý jáne paıdalaný faktilerin anyqtap, júrgizýshilerdiń eńbek jáne demalys rejımin, sondaı-aq jolaýshylardy tasymaldaýdyń ornatylǵan normalaryn saqtaýyn tekserip jatyr», - delingen ІІD-niń habarlamasynda.
Osylaısha, eki kúnniń ishinde astanalyq polıtseıler jolaýshylardy zańsyz tasymaldaýdyń 463 faktisin, avtobýs júrgizýshileriniń jasaǵan 265 buzýshylyǵyn, sonyń ishinde kóliktik quraldy basqarý kezinde uıaly telefondy qoldanýdyń 29 faktisin, manevr jasaý erejelerin buzýdyń 19 faktisi, jaıaý júrginshilerge jol bermeýdiń 2 faktisin, ornatylǵan jyldamdyqty asyrýdyń 4 faktisin, eńbek jáne demalys rejımin buzýdyń 1 faktisin, memlekettik nemese tehnıkalyq baqylaýdan ótpeý boıynsha 10 faktini anyqtaǵan. Avtobýs parkteriniń 7 laýazymdy tulǵasy jaýapkershilikke tartyldy.
