Astanada avtomobıl ózenge qulap ketti
ASTANA. QazAqparat - «Chevrolet aveo» avtomobıli Turan kóshesindegi kópirden qulap ketti, dep habarlaıdy «QazAqparat» HAA tilshisi.
«3 shilde kúni saǵat 02.00-de Turan kóshesindegi kópirdiń astynda «Chevrolet aveo» markaly avtomashınanyń júrgizýshisi rýlge ıe bola almaı, ózenge qulap ketti. Zardap shegýshiler joq», - dep habarlady Astana qalalyq ІІD baspasóz qyzmetiniń basshysy Sofıa Qylyshbekova.
Onyń aqparaty boıynsha, kólik arnaıy tehnıkanyń kómegimen ózennen shyǵarylǵan. «Júrgizýshige qatysty ákimshilik materıal toltyryldy», - dedi Sofıa Qylyshbekova.
