Astanada avtokreslosyz bala tasymaldaǵan 25 júrgizýshi anyqtaldy
ASTANA. QazAqparat - Búgin Astanada jýrnalıster men qoǵamdyq uıymdardyń ókilderi balalardy avtokólikte tasymaldaý erejelerin buzýshylyqty anyqtaý boıynsha reıdte qatysty, dep habarlaıdy QR ІІM baspasóz qyzmeti.
Reıd jolaýshy retinde jol kólik oqıǵalarynan zardap shekken balalardyń sanynyń artýyna alańdaýly bolyp otyrǵan elimizdegi balalar quqyqtary jónindegi ýákili Zaǵıpa Balıevanyń bastamasymen uıymdastyryldy.
2016 jyly kámelet jasqa tolmaǵandardyń qatysýymen 1,2 myńnan astam JKO oryn alyp, onda 97 bala qaza bolyp, 1 440 bala jaraqattanǵan.
Sonymen qatar, jyl basynan beri Qazaqstan joldarynda balalardy tasymaldaý erejesin buzǵany úshin 10 myńnan astam júrgizýshi ákimshilik jaýapkershilikke tartyldy.
Qazirdiń ózinde, shamamen 2 jyldan beri erejege sáıkes, 12 jasqa deıingi balalardy arnaıy tasymaldaý quralynsyz kólikte alyp júrýge tyıym salynsa da, jergilikti polıtsııa qyzmeti kún saıyn osyndaı jol erejelerin buzýshylyqtardy anyqtaýda.
Búgingi reıd nátıjesinde elorda balabaqshalaryna jaqyn mańdarda birneshe saǵat ishinde ǵana 25 balalany tasymaldaý erejesin buzýshylyq anyqtaldy. Olardyń barlyǵyna 5 aılyq eseptik kórsetkish kóleminde aıyppul salyndy.
Jýrnalıster men qoǵamdyq qyzmetkerlerdiń ata-analarǵa, olar nege balalardy arnaıy qurylǵysyz tasymaldaıtyny jónindegi suraqtaryna, kóbinese: «Bala artqy oryndyqta. Qyzdyń qasynda ony ustap otyrǵan anasy bar. Avtokreslonyń qajeti qansha?» - degen daıyn jaýaptary boldy.
Polıtsııa qyzmetkerleri barlyq kólik quraldaryn tekserip qana qoımaı, ata-analarmen, balany avtokólikte qalaı tasymaldaý kerektigin aıtyp profılaktıkalyq áńgimeler ótkizdi, jas otbasylarǵa tıisti jadynamalar tabystaldy.
«Bul kúni, mektepke deıingi mekemelerge balalaryn ákelgen kóptegen ata-ana júrgizýshilerdiń balalary avtooryndaqty bolǵanyn aıta ketý kerek», delingen habarlamada.
