Astanada avtokólik balasyn jetektegen áıeldi qaqty
ASTANA. QazAqparat - «Hyundai» markaly kóliginiń júrgizýshisi Astanada sábı men áıeldi qaqty, dep habarlady Astana ІІD baspasóz qyzmetinen.
«20 shildede saǵat 19.50 Jubanov-Kenesary kósheleriniń qıylysynda «Hyundai» kóliginiń 30 jastaǵy júrgizýshisi baǵdarshamnyń jasyl túsine júrgen jaıaý júrginshini qaǵyp ketti. Jol-kólik apaty saldarynan 25 jastaǵy áıel túrli jaraqattarmen emdeý mekemesine jetkizilip, onda dárigerler qaraǵan soń úıine jiberildi. Onyń 2 jasar uly japa shekpedi», - delingen habarlamada.
ІІD habarlaýynsha, qazir tekserý jumystary júrgizilip jatyr, sot-medıtsınalyq saraptamadan keıin protsessýaldyq sheshim qabyldanady.
