Astanada avtobýstardyń soqtyǵysýynan júkti kelinshek zardap shekti
ASTANA. QazAqparat - Astanada eki avtobýstyń soqtyǵysýy saldarynan júkti kelinshek zardap shekti, dep habarlaıdy QazAqparat tishlisi.
Astana LRT baspasóz qyzmetiniń málimetinshe, jol-kólik oqıǵasy búgin tańerteń Táýelsizdik dańǵyly men Q. Muńaıtpasov kóshesi qıylysynda №48 jáne №4 avtobýstary arasynda bolǵan.
«Qajymuqan Muńaıtpasov kóshesi qıylysyn 15 km/saǵ jyldamdyqpen óte bergende, ıaǵnı sońǵy úshinshi jolaqtan solǵa qaraı burylys kezinde qatar kele jatqan №4 baǵdaryn janap ótken», - delingen habarlamada.
Sonyń saldarynan №48 avtobýsta kele jatqan 24 jastaǵy júkti kelinshek zardap shekti. Júktilik merzimi - 23-24 apta. Oǵan kúızeliske qatty reaktsııa etý dıagnozy qoıyldy. Osy oraıda jolaýshy №3 perınataldyq ortalyqqa jetkizilip, tekserý sharalary júrgizilýde.
Jol-kólik oqıǵasy boıynsha Astana polıtseıleri №48 avtobýstyń júrgizýshisine qatysty hattama toltyrdy. Avtobýs parkinde qyzmettik tekseris aıaqtalǵanǵa deıin, júrgizýshi jumysynan ýaqytsha shettetildi.
