Astanada avtobýspen soqtyǵysqan jeńil avtokólik júrginshini qaǵyp ketti
ASTANA. QazAqparat - Astanada Saryarqa dańǵyly boıynda avtobýspen soqtyǵysqan jeńil avtokólik júrgizýshisi jaıaý júrginshini qaǵyp ketti, dep habarlaıdy QazAqparat tilshisi.
«14 shildede saǵat 14:26-da Saryarqa dańǵyly men Á.Jangeldın kóshesiniń qıylysynda jeńil avtokólik burylyp jatyp, qarama qarsy kele jatqan №46 avtobýspen qaqtyǵysty», - dep málim etti «Astana LRT» JShS baspasóz qyzmeti.
Soqqy saldarynan jeńil avtokólik trotýarǵa shyǵyp ketip, jaıaý júrginshini qaqqan. Jol-kólik oqıǵasynan jaıaý júrginshi zardap shekpegen, oqıǵa ornynan belgisiz baǵytqa ketip qalǵan. Degenmen jeńil soqqydan eseńgiregen avtokólik júrgizýshisine dáriger kómegi qajet bolǵan, biraq ol aýrýhanaǵa jatýdan bas tartqan.
Jol-kólik oqıǵasy ornyna kelgen ІІD-niń jergilikti polıtsııa qyzmetkerleri jeńil avtokólik júrgizýshisine qatysty ákimshilik hattama toltyrdy.
