Astanada avtobýsqa shabýyl jasalǵan joq - ІІD
ASTANA. QazAqparat - Astana qalasynyń Іshki ister departamenti elordada jolaýshylar avtobýsynyń birine shabýyl jasaldy degen aqparatty joqqa shyǵardy, dep habarlaıdy QazAqparat.
Búgin tańerteń áleýmettik jelide qala ishinde avtobýsqa shabýyl jasaldy degen aqparat taraǵan bolatyn. Internetke ornalastyrylǵan vıdeoda terezeleri synǵan avtobýsty kórýge bolady. Іshki ister departamentiniń habarlaýynsha, avtobýs jol apaty saldarynan búlingen.
«Búgin tańǵy saǵat 08.30-da Dúkenuly kóshesinde jol apaty boldy. «Kıa» markaly avtokólik avtobýspen soqtyǵysty. Avtobýstyń ishinde jolaýshylar bolmaǵan. Apat saldarynan zardap shekkender men qaza tapqandar joq. Avtobýstyń terezeleri synǵan»,-dep habarlady ІІD baspasóz qyzmetinen.
