Astanada avtobýs júrgizýshisiniń kóz aldynda balasy mert boldy
ASTANA. QazAqparat - Astanada avtobýs júrgizýshisiniń kóz aldynda týǵan qyzy mert boldy, dep habarlaıdy «QazAqparat» HAA tilshisi «Astana LRT» baspasóz hatshysy Naýat Azanbaevaǵa silteme jasap.
«Tańǵy saǵat 8-de Qabanbaı batyr kóshesinde jeńil kólik joldan ótip bara jatqan 9-synyp oqýshysyn qaǵyp ketti. Jaıaý júrginshini baıqamaǵan júrgizýshi jyldamdyqty ýaqytynda azaıta almaǵan. Oqýshy qyzdyń ómiri kórshi jolaqta jolaýshylar avtobýsyn júrgizip kele jatqan ákesiniń kóz aldynda úzildi», - dep jazdy Naýat Azanbaeva Facebook-tegi paraqshasynda.
Sonymen qatar baspasóz hatshysy astanalyqtardy jolda abaı bolýǵa shaqyrady.
«Jolda abaı bolýǵa, balalarǵa jol erejeleri men mindetterin úıretip, eskertip otyrýǵa shaqyramyz. Júrgizýshilerden qalypty jyldamdyqty saqtaýdy suraımyz», - dedi ol.
Buǵan deıin qalalyq avtobýsta er adam kóz jumǵan bolatyn. Onyń qoǵamdyq kólik ishinde densaýlyǵy syr bergen.
