Astanada avtobýs júrgizýshilerine arnalǵan biliktilikti arttyrý ortalyǵy ashylady
ASTANA. QazAqparat - Astanada jolaýshylar kóliginiń júrgizýshilerin oqytý jáne biliktiligin arttyrýdyń jańa ortalyǵy ashylady. Bul týraly Elordada kóshe-jol jelisin damytý jáne kóliktik qyzmet kórsetýdi jaqsartý boıynsha jumystardyń jaı-kúıi týraly ótken dóńgelek ústel barysynda belgili boldy.
Bul týraly elorda ákimdiginiń resmı saıtynda habarlanǵan. «Qazirgi ýaqytta qaladaǵy qoǵamdyq kólikterde 2500 júrgizýshi men kondýktor jumys isteıdi, qyzmetkerler tapshylyǵy 700 adamdy quraıdy. Biz halyqaralyq tájirıbeni zertteı otyryp, aldaǵy ýaqytta kólik júrgizýshilerin oqytý jáne biliktilikterin arttyrý jónindegi jańa ortalyq qurýdy sheshtik. Ol negizinen psıhologııalyq trenıngterden turady. ıAǵnı, júrgizýshi sımýlıatorǵa jiberilmes buryn testileýden ótedi. Sımýlıatorlar satyp alynady. Oqytý baǵdarlamasy 80 saǵatty quraıdy. Onyń basym bóligi naq osy psıhologııalyq ahýalǵa arnalady. Adam ózin qalaı ustaıdy? Oǵan avtobýsqa otyrýǵa bola ma, álde ol mehanık bolýy ǵana tıis pe? Osynyń bári engiziledi»,- dedi qalalyq Jolaýshylar kóligi jáne avtomobıl joldary basqarmasynyń basshysy Rashıd Amanjolov. Onyń atap ótýinshe, bıyl aı saıyn 80 adamdy oqytý kózdelip otyr. Atalǵan ortalyq óz jumysyn sáýir aıynda bastaıdy. Eske salaıyq, Astanada táýlik boıy 669 myń jolaýshyny tasymaldaıtyn 8 avtopark, 941 avtobýs jumys isteıdi.
