Astanada avtobýs jolaýshysynan 67 keli esirtki zaty tárkilendi
ASTANA. QazAqparat - Astana q. ІІD Esirtki bıznesimen kúresý basqarmasynyń qyzmetkerleri Jambyl oblysynyń turǵynynan 67 keli marıhýana esirtki zatyn taýyp aldy, dep habarlaıdy elordanyń ІІD-niń baspasóz qyzmetinen.
«1 aqpan kúni saǵat 16.00 shamasynda Qaraǵandy tas jolynyń boıynda ornalasqan «Qyzyljar» beketinde, jol-patrýldik polıtsııa qyzmetkerleri qujattar men júkti tekserý úshin reıstik avtobýsty toqtatqan. EBKB qyzmetkerleriniń tekserýi barysynda jáne kınologtardyń qyzmettik ıtiniń kómegimen avtobýs jolaýshylarynyń birinen 67 keli marıhýana esirtkilik zaty anyqtalyp, tárkilendi», delingen habarlamada. Ótkizilgen is-sharalardyń arqyly ustalǵan azamattyń Jambyl oblysynyń 20 jasar turǵyny ekendigi jáne onyń budan buryn da tonaýǵa qatysty qylmystyq iske tartylǵandyǵy anyqtaldy. Kúdikti Astana q. ІІD-iniń ýaqytsha ustaý oqshaýlaǵyshyna qamaldy. QR QK 297-babynyń 3-tarmaǵy boıynsha qylmystyq is qozǵaldy. Qazirgi ýaqytta Astana qalasynyń ІІD Esirtki bıznesimen kúres basqarmasynyń qyzmetkerleri arnaıy jedel-izdestirý keshendi is-sharalaryn júrgizýde. Bul sharanyń maqsaty - esirtki zattaryn ótkizý, jetkizý arnalaryn anyqtaý jáne quryqtalǵan azamattardyń elorda aýmaǵyndaǵy esirtki qylmysyna qatystylyǵyn tekserý.
