Astanada avtobýs jolaqysy qansha teńgege qymbattaıdy
ASTANA. KAZINFORM – Elordalyq Kólik jáne jol-kólik ınfraqurylymyn damytý departamentiniń basshysy Ashat Qaraǵoıshın qoǵamdyq kólikte jol júrý qunyn arttyrý jospary týraly aıtyp berdi.
«Sońǵy 10 jylda tasymaldaýshylardyń shyǵyndary aıtarlyqtaı ósti. Mysaly buryn dızel otyny 107 teńge bolsa, qazir 295 teńge turady. ıAǵnı, baǵasy 275 paıyzǵa ósti. Avtobýs quny men júrgizýshilerdiń jalaqysyn qosa alǵanda, basqa shyǵyndar boıynsha osyǵan uqsas jaǵdaı qalyptasty. Qazir Astanada jol júrý quny qolma-qol aqshasyz — 90 teńge, qolma-qol tóleý kezinde — 180 teńge. Mysaly, Almatyda qoǵamdyq kólikte jol júrý quny qolma-qol aqshasyz — 100 teńge, qolma-qol tóleý kezinde — 200 teńge. Aqmola oblysynda qoǵamdyq kólikte jol júrý tarıfi qolma-qol aqshasyz tásilmen — 100 teńge, qolma-qol aqshamen — 180 teńge. Qostanaı oblysynda jol júrý quny — 100 teńge, qolma-qol aqshamen tóleý kezinde — 170 teńge», — dep mysal keltirdi spıker qalalyq qoǵamdyq keńes otyrysynda.
Onyń aıtýynsha, qazirgi tarıf saqtalǵan jaǵdaıda sýbsıdııalar mólsheri jyldan jylǵa artyp keledi.
«Ótken jyly sýbsıdııa 34 mlrd teńgeni qurasa, qazir 38 mlrd teńgege deıin ósti. Osyǵan baılanysty 2024 jyly biz qoǵamdyq kólikte jol júrý qunyn qolma-qol aqshasyz esep aıyrysý kezinde 110 teńgege deıin jáne qolma-qol 220 teńgege deıin arttyrýdy usynamyz. Bul rette sýbsıdııa somasy 2024 jyly 3 mlrd teńgege tómendeıdi», — dep tolyqtyrdy spıker.
