Astanada avtobýs lokomatıvpen soqtyǵysty
ASTANA. KAZINFORM — Astanada avtobýs temirjol ótkelinde lokomatıvpen soqtyǵysyp, artynsha jeńil avtokólikke soǵylǵan.
Áleýmettik jelilerde kólik apaty ornynan túsirilgen vıdeo tarady. Jelini paıdanýshylardyń pikirinshe, oqıǵa «Vagonozavod» aıaldamasy mańynda, Orman zaýyty aýdanynda bolǵan.
Astana qalasy polıtsııa departamentiniń málimetinshe, oqıǵa 20 maýsym kúni tirkelgen.
— «Iveko» markaly marshrýttyq avtobýstyń júrgizýshisi Taıbýryl aýdanyndaǵy temirjol ótkelinen ótý kezinde lokomatıvke jol bermegen. Soqqy saldarynan «Iveko» avtobýsy ınertsııa kúshimen «Hıýndaı» avtokóligine soǵylǵan, — dep túsindirdi qalalyq polıtsııa departamentiniń baspasóz qyzmeti.
Avtobýs júrgizýshisi ákimshilik jaýapkershilikke tartyldy.
Qoǵamdyq densaýlyq saqtaý basqarmasynyń habarlaýynsha, avtobýs júrgizýshisi tekseristen keıin ambýlatorlyq emdelýge jiberildi.
Eske sala keteıik, 2026 jyldyń alǵashqy úsh aıynda Astana qalasynda 502 jol-kólik oqıǵasy tirkelip, sonyń saldarynan 616 adam jaraqat alyp, 5 adam mert boldy.
Arýjan Másimbaı
