Astanada avtobýs eki boıjetkendi qaǵyp ketti
ASTANA. QazAqparat - Astanada avtobýs qaǵyp ketken eki boıjetken aýrýhanaǵa jetkizildi, dep habarlaıdy QazAqparat tilshisi.
«30 mamyr kúni saǵat shamamen 14:45 kezinde №16 avtobýs Abaı kóshesimen «Jannur» saýda úıiniń mańynda Ýálıhanov kóshesine qaraı saǵatyna 50 shaqyrym jyldamdyqpen (Wialon Pro baǵdarlamasyna sáıkes) kele jatqan. Osy kezde avtobýs jaıaýjolda kele jatyp, artyna qaramaı bir mezette joldyń ruqsat etilmegen bóligine shyǵyp ketken jaıaý júrginshilerdi qaǵyp ketti», - dep habarlady «Astana-LRT» baspasóz hatshysy Naýat Azanbaeva.
Onyń aıtýynsha, 1993 jáne 1990 jylǵy eki boıjetken aýrýhanaǵa jetkizilgen.
«Atalǵan jol-kólik oqıǵasy boıynsha polıtsııa qyzmetkerleri tekserý jumystaryn júrgizip jatyr», - dep habarlady Astana qalalyq ІІD-niń baspasóz qyzmeti.
