Astanada avtobýs baǵanaǵa soǵylyp, jolaýshylar jaraqat aldy

ASTANA. KAZINFORM- Jol-kólik oqıǵasy Astanadaǵy Baraev kóshesinde bolǵan.

- Búgin Baraev kóshesimen Qabanbaı batyr dańǵylyna qaraı kele jatqan marshrýttyq avtobýstyń júrgizýshisi kólikti basqara almaı jol jıeginde turǵan baǵanaǵa soǵylǵan. Oqıǵa bolǵan kezde avtobýsta 25-ke jýyq jolaýshy bolǵan. Jol - kólik oqıǵasy saldarynan júrgizýshi men birneshe jolaýshy jaraqat alyp, qajetti kómek kórsetý úshin medıtsınalyq mekemege jetkizildi, - dep habarlady elordalyq Polıtsııa departamenti.

Polıtsııa atap ótkendeı, tekserý júrgizilip jatyr. Apattyń mán-jaıy men sebebi anyqtalady.

Astanada joq úılerdi jalǵa berip kelgen alaıaq áıel ustalǵanyn jazǵan bolatynbyz.