Astanada avtobýs aıaldamasyn búldirgen vandal 20 kúnge qamaldy

ASTANA. KAZINFORM — Elordada polıtseıler avtobýs aıaldamasynyń pavılonyna zaqym keltirgen er adamdy qysqa merzimde anyqtap, ustady, dep habarlaıdy Polisia.kz.

Kenesary kóshesinde keshki ýaqytta belgisiz azamat avtobýs aıaldamasynyń shyny qurylymyn syndyryp, oqıǵa ornynan boı tasalaǵan. Alaıda alysqa uzaı almady. Polıtseıler jedel áreket etip, quqyq buzýshyny anyqtap, ustady.

— Anyqtalǵandaı, 33 jastaǵy elorda turǵyny alkogoldik masań kúıde aıaldama pavılonynyń qurylymyn «beriktikke synap kórmek» bolǵan. Bul áreketi onyń ákimshilik jaýapkershilikke tartylýyna sebep boldy. Bógde múlikti qasaqana joıý nemese búldirý faktisi boıynsha er adamǵa qatysty ákimshilik is qozǵaldy. Sot sheshimimen oǵan 20 táýlikke qamaý jazasy taǵaıyndaldy, — delingen habarlamada.

Polıtsııa qala múlkine uqypty qaraý qajettigin eske salady. Qala múlkin búldirý barlyq azamatqa jáne qalanyń kelbetine zııan keltiredi. Kez kelgen quqyq buzýshylyq pen keltirilgen shyǵyn qoldanystaǵy zańnamaǵa sáıkes jaýapkershilikke ákep soǵady.

Buǵan deıin Astanada vandalızm jasaǵany úshin shamamen 3 myń adam jaýapqa tartylǵanyn jazǵan edik.