Astanada avtobýs apatynan zardap shekkender úshin jedel jeli ashyldy (FOTO)

«Apattan zardap shekkenderge kómek kórsetý úshin «Eýrazııa» saqtandyrý kompanııasy jedel jeli ashty. Barlyq zardap shekkender, onyń ishinde medıtsınalyq kómekten bas tartqan adamdardan myna: +7 (727) 258 43 36 (ishki 3133, 3039) telefondary boıynsha habarlasýlaryn suraımyz», - delingen saqtandyrý kompanııasynyń aqparatynda.

Astana qalalyq «№1 avtobýs parki» AQ jaýapkershiligi mindetti saqtandyrýdyń eki túri boıynsha saqtandyrylǵany habarlanady, atap aıtqanda, kólik ıeleriniń azamattyq-quqyqtyq jaýapkershiligin saqtandyrý, sondaı-aq jolaýshylar aldynda tasymaldaýshynyń azamattyq-quqyqtyq jaýapkershiligin saqtandyrý (61 mln teńge jaýapkershilik lımıtimen). Eki polıs boıynsha da saqtandyrýshy «Eýrazııa» saqtandyrý kompanııasy bolyp tabylady. Eske sala keteıik, 19 shilde kúni Astanada sol jaǵalaýda №10 marshrýttyq jolaýshylar avtobýsy apatqa ushyrady, avtobýs kóshedegi jaryq baǵanasyna soǵylǵan, zardap shekkender bar. Avtobýs Medıaortalyqtyń qarsy betinde ornalasqan aıaldamaǵa shyǵyp ketken, sodan keıin 100-150 metrdeı júrip, trotýarǵa shyqqanda kóshe dekoratsııasyna soǵylǵan. Júrgizýshiniń aıtýynsha, kózi birden qaraýytyp ketken.