Astanada avtobýs apatynan zardap shekken 15 adam aýrýhanaǵa jetkizildi

ASTANA. KAZINFORM – Elordada qoǵamdyq kólik baǵanaǵa soǵylyp, birneshe adam jaraqat aldy. Zardap shekkender aýrýhanaǵa jetkizildi. 

— № 70 avtobýstyń baǵanamen soǵýy saldarynan 15 adam zardap shekti, onyń ishinde júrgizýshi de bar. Júrgizýshi avtobýsta qysylyp qalǵan jáne ózdiginen shyǵa almaǵan, ony qutqarýshylar gıdravlıkalyq quraldyń kómegimen qutqardy. Apat bolǵan jerge jedel járdem brıgadasy bardy. Zardap shekken jandar № 1 kópsalaly qalalyq aýrýhanaǵa jetkizildi, - dep habarlaıdy qalalyq qoǵamdyq densaýlyq saqtaý basqarmasynyń baspasóz qyzmeti.

Qazir patsıentterdiń jaǵdaıyn dárigerler tekserip jatyr. 

— Zardap shekkenderdiń arasynda balalar men júkti áıelder joq, - deıdi densaýlyq saqtaý basqarmasynan.

Buǵan deıin Astanada avtobýs baǵanaǵa soǵylyp, jolaýshylar jaraqat alǵany týraly habarlaǵan bolatynbyz. Avtobýstyń júrgizýshisi kólikti basqara almaı jol jıeginde turǵan baǵanaǵa soǵylǵan. Oqıǵa bolǵan kezde avtobýsta 25-ke jýyq jolaýshy bolǵan.