Astanada aýyzsýdaǵy hlordyń mólsheri arttyrylady
ASTANA. QazAqparat - Sý tasqyndaryna baılanysty «Astana sý arnasy» MKSh ortalyq sýmen qamtý júıesindegi hlordyń mólsherin 1 mg/dm3-ke deıin arttyrý jóninde sheshim shyǵardy, dep habarlaıdy QazAqparat.
Mundaı shara ishek ınfektsııalarynyń taralýyn aldyn alýǵa baǵyttalyp otyr.
«Astana sý arnasy» kommýnaldyq sharýashylyǵynyń resmı saıtynda atap kórsetilgendeı, sýdaǵy hlordyń kólemin arttyrý QR Densaýlyq saqtaý mınıstrligi Qoǵam densaýlyǵyn qorǵaý komıteti Astana qalasy qoǵam densaýlyǵyn qorǵaý departamentiniń №209 «Sý kózderine, sharýashylyq-aýyzsý maqsaty úshin sý jınaý oryndaryna, sharýashylyq-aýyzsýmen jabdyqtaýǵa jáne sýdy mádenı-turmystyq paıdalaný oryndaryna jáne sý obektileriniń qaýipsizdigine qoıylatyn sanıtarlyq-epıdemıologııalyq talaptaryna» tolyq sáıkes keledi.
