Astanada aýyzsý problemasyn sheshý úshin sorǵy-súzý stantsııasy salynyp jatyr
Nur-Sultan ákimi Altaı Kólginov Instagram-daǵy óz paraqshasynda málim etkendeı, gaz qazandyqtaryn 2023 jyldan bastap kezeń-kezeńimen iske qosý josparlanyp otyr.
«Elordada úsh gaz qazandyǵynyń qurylysy qatar júrip jatyr. Gaz qazandyqtarynyń qýaty JEO-3-ten 3 eseden asyp túsedi. Tıisinshe qazirgi tapshylyqtyń ornyn toltyrýǵa da, qurylys jumystary júretin jańa aýdandardy jylýmen qamtýǵa da múmkindik beredi.
Gaz qazandyqtaryn 2023 jyldan bastap kezeń-kezeńmen iske qosý josparlanyp otyr. Gaz qazandyqtary jańa temirjol vokzalynyń aýmaǵynda, Qorǵaljyn tasjolynyń boıynda jáne Telman eldi mekeninde ornalasqan», - dep jazdy qala basshysy.
Osylaısha, «Ońtústik-Shyǵys» qazandyǵy «Myńjyldyq» aýdanyn, jańa temirjol vokzaly aýmaǵyn, qurylys jumysy qarqyndy júrip jatqan ózge aýdandardy da jylýmen qamtamasyz etedi. Al «Telman» qazandyǵy «Baǵystan» turǵyn úı keshenin, Uly Dala dańǵylyn, «Telman» eldi mekeni aýmaǵyn qamtıtyn bolady. Úshinshi – «Turan» gaz qazandyǵy Qorǵaljyn tasjoly men Turan dańǵyly boıyndaǵy qurylysy qarqyndy júrip jatqan aýdandarǵa jylý jetkizýge múmkindik beredi.
Búginde astana táýligine 300 myń tekshe metr sý tutynady, al jańa sorǵy-súzý stantsııasy qýattylyǵy táýligine qosymsha 100 myń tekshe metrden astam sý beredi.
«Qalamyzdyń damyp kele jatqanyn eskersek, qazirdiń ózinde sýǵa degen qosymsha qajettilik bar. Osy sebepti SSS-3 bıyl jyl sońyna qaraı ishinara paıdalanýǵa beriledi. Osylaısha sýmen qamtamasyz etý máselesi sheshiledi. Al 2023 jyldan bastap SSS-3 jumysynyń qýatyn arttyramyz», - dedi elorda ákimi.
Foto: instagram.com/altay_kulginov_official/
