Astanada aýyz sý túsiniń ózgeretini týraly eskertý jasaldy

ASTANA. QazAqparat – 8 sáýirde «Astana-Teplotranzıt» kompanııasy boıaǵysh arqyly qubyrlar, sý jylytqyshtar men jylý jelilerine tekserý júrgizedi, dep habarlaıdy QazAqparat tilshisi.

Jylý jelisine sýdy jasyl túske boıaıtyn organıkalyq natrıı flýorestseın qoldanylady. Bul qubyrlardaǵy bilinbeıtin aqaýlar, sý jylytqyshtardaǵy bekitý armatýrasy men tutynýshylar jylý jelileriniń tyǵyz bolmaýynan jelin sýdyń aǵýyn anyqtaý úshin jasalady.

Sondaı-aq, Astana ákimdiginiń baspasóz qyzmetinen habarlaǵandaı, bul is-shara jelidegi sýdyń óndiristik jáne turmystyq qajettilikterge urlanýyn anyqtaýǵa múmkindik beredi.

Osy oraıda, elorda turǵyndarynan qubyr sýynyń túsi ózgergen jaǵdaıda «Ikomek 109» qyzmetine qońyraý shalý suralady.

Aıta keteıik, jýyrda ǵana elordada sý táýliktiń ár ýaqytynda ártúrli qysymmen beriletini habarlanǵan edi.