Astanada aýystyrýdy talap etetin 280-nen astam lıfti bar
ASTANA. QazAqparat – Elordada kúrdeli jóndeýdi qajet etetin 175 kóppáterli turǵyn úı men aýystyrylýy tıis 280-nen astam lıfti bar. Bul týraly ashyq talqyǵa shyǵarylǵan «Astana qalasynyń turǵyn úı qoryn renovatsııalaý jáne modernızatsııalaýdyń 2028 jylǵa deıingi memlekettik baǵdarlamasynda» jazylǵan, dep habarlaıdy QazAqparat tilshisi.
Qazirgi kezde elorda aýmaǵynda 3 309 kóppáterli turǵyn úı bar. Memlekettik baǵdarlamalardy iske asyrý sheńberinde 2011 jyldan bastap onyń 202-si jóndeldi, 175 kóppáterli turǵyn úı kúrdeli jóndeýdi qajet etedi. Sondaı-aq, Astana qalasy boıynsha 10 324 lıft jumys isteıdi. Onyń ishinde 272 lıft aýystyryldy. Búgingi kúni 288 lıftini aýystyrý talap etiledi, - dep másele kóterilgen Ashyq NQA portalynda jarııalanǵan qujatta.
Qosa ketsek, buǵan deıin elordadaǵy turǵyn úı qoryn renovatsııalaý jáne modernızatsııalaý baǵdarlamasy aıasynda bas shahardyń birneshe aýdanyndaǵy úılerdi taıaý arada súrý josparlanǵanyn jazyp edik.
