Astanada aýyl sharýashylyq jármeńkesi ótýde (FOTO)
ASTANA. QazAqparat - Búgin tańerteńnen beri Astana qalasynda «Mega» SOO aldyndaǵy alańda Ońtústik Qazaqstan jáne Qyzylorda oblystary taýar óndirýshileriniń aýyl sharýashylyq jármeńkesi ótip jatyr, dep habarlady elorda ákimdiginiń resmı portaly.
Dástúrli jármeńkege Ońtústik Qazaqstan jáne Qyzylorda oblystary 680 tonnaǵa jýyq aýyl sharýashylyǵy ónimderin ákeldi.
Aýa raıynyń jaýyn-shashyndy, qolaısyz bolǵanyna qaramastan, saýda qyzý júrýde. Elordalyqtardy taýar baǵasy erekshe qýantty. Qala turǵyndaryna jármeńkede áleýmettik mańyzy bar taǵam túrleri, atap aıtqanda, kartop, pııaz, qyzanaq, qııar jáne t.b. kókónis túrleri, et, balyq, kondıterlik ónimder usynyldy. Taýarlar naryqtyq baǵadan 15-20 paıyzǵa arzan satylady. Jármeńke eki kúnge sozylady.
Kelesi aptada, 19-20 qyrkúıekte, elorda turǵyndary men qonaqtary ózge azyq-túlik ónimderinen bólek qyzyl balyq túrlerin arzan baǵamen satyp alý múmkindigine ıe bolady. «Astanalyq» saıabaqta Atyraý oblysynyń jármeńkesi ótedi. «Mega» SOO aldyndaǵy alańda Pavlodar oblysynyń aýyl sharýashylyǵy ónimderi satylady.
