Astanada aýyl sharýashylyq jármeńkesi ótip jatyr
ASTANA. QazAqparat - Azyq-túlik baǵasyn turaqtandyrý maqsatynda 2015 jyldyń qyrkúıek aıynyń 5-6 kúnderi B. Momyshuly kóshesi mekenjaıy boıynsha ornalasqan Oqýshylar saraıynyń janynda aýyl sharýashylyǵy ónimderiniń jármeńkesi ótýde, dep habarlady astana.gov.kz.
Jármeńke qyrkúıek aıynyń ár senbi-jeksenbi kúnderi saǵat 09.00-18-00 aralyǵynda jalǵasady.
Astana qalasy Aýyl sharýashylyǵy basqarmasynyń habarlaýynsha, jármeńkege Astana men Aqmola óńiriniń taýar óndirýshileri óz ónimderin halyqqa usynady. Atalmysh jármeńke elordanyń úsh aýdanynda da ótedi. «Almaty» aýdanynda Abylaı han dańǵyly, «Esil» aýdanynda Saýran kóshesinde HQKO mańynda, «Saryarqa» aýdanynda Bógenbaı dańǵylyndaǵy «Kóktem» SO janynda uıymdastyrylady.
Aıta keteıik, 2015 jyldyń 2 kyrkúıegine deıin 45 jármeńke uıymdastyrylyp, oǵan 102 taýar óndirýshi qatysty. Jármeńkedegi taýarlar naryqtyq baǵadan 10-12 paıyzǵa arzan satylady.
