Astanada aýyl sharýashylyq jármeńkelerinde 336 tonna ónim satyldy
ASTANA. QazAqparat - Apta saıyn juma-jeksenbi kúnderi Q. Muńaıtpasov atyndaǵy ortalyq stadıonnyń (Kenesary k-si, 14) jáne «Dýman» oaıyn-saýyq ortalyǵynyń turaqtarynda Astana qalasynyń, Aqmola jáne Qaraǵandy oblystarynyń taýar óndirýshileriniń qatysýymen aýyl sharýashylyq jármeńkeleri ótedi.
Elordanyń resmı saıtynyń habarlaýynsha, jármeńkelerdegi baǵalar bazardaǵydan 10-15 paıyzǵa tómen. Búgingi tańda 336 tonna ónim satyldy.
Jármeńkege 150 jabdyqtaýshy men óndirýshi qatysady. Jármeńkede «Kapıtal Natýr prodýkt» JShS, «Nátıje» JShS, «Mılk projekt» JShS, «Dámdi et» JShS, «Qazger-Qus» JShS, «Jas qanat» JShS jáne t.b. kásiporyndar óz ónimderin usynady.
Elordalyqtar 500-den astam taýar túrin satyp ala alady, sonyń ishinde et, balyq, sút, shujyq ónimderi, jemister men kókónister, un, jarma, maı jáne t.b.
