Astanada aýyl sharýashylyq jármeńkeleri ótedi
ASTANA. QazAqparat - 19 naýryzdan bastap qalanyń úsh aýdanynda otandyq taýar óndirýshilerdiń qatysýymen apta saıynǵy aýyl sharýashylyq jármeńkeleri ótedi. Jármeńkelik sharalar qara kúzge deıin jalǵasady, dep habarlandy Astana ákimdiginiń resmı saıtynda.
Jármeńkede negizgi azyq-túlik ónimderiniń 25-ten asa túri usynylady, atap aıtqanda kartop, pııaz jáne kókónisterdiń basqa túrleri, sonymen qosa qyshqyl sút ónimderi, kondıterlik jáne makaron buıymdary satylady.
Jármeńkede usynylǵan taýarlar qala naryǵyndaǵy bólshek saýda baǵalarynan tómenirek baǵada satylatyn bolady.
Jármeńkeler apta saıyn tańǵy 9:00-den keshki 18:00-ge deıin Saýran k-si, 7, Abylaı han dańǵyly, 20a, Qosshyǵululy k-si, 16 mekenjaılarynda ótedi.
