Astanada aýyl sharýashylyq jármeńkeler kezegin Jambyl jáne Ońtústik Qazaqstan oblystary jalǵastyrady
ASTANA. 20 qyrkúıek. QazAqparat - 21-22 qyrkúıekte Astanada qalalyq ákimdik aldyndaǵy ortalyq alańda jyl saıynǵy aýyl sharýashylyq jármeńkesi jalǵasady. Bul týraly astana.kz saıtyna qalalyq Kásipkerlik jáne ónerkásip basqarmasynan habarlady.
Osy aptada Jambyl jáne Ońtústik Qazaqstan oblystarynyń sharýalary óz ónimderin usynady. Jambyl oblysy 180 tonnadan astam, al Ońtústik Qazaqstan oblysy 300 tonnadan artyq aýyl sharýashylyq ónimin ákeledi dep josparlanǵan. Jármeńkede atalǵan aımaqtarda óndiriletin ónimder usynylady: et-balyq, sút, bal, kókónister, jemis-jıdekter, un, jarmalar jáne basqa da azyq-túlik ónimderi. Jármeńke kezinde merekelik baǵdarlama uıymdastyrylady. Elorda turǵyndary men qonaqtaryna ulttyq taǵamdar men tátti-dámdiler usynylyp, etno-aýyl qurylady.
Eske salaıyq, Qazaqstannyń óńirlerinen ákelingen ónimder satylatyn osyndaı jármeńkeler dástúrge aınalyp, jyl saıyn ótkiziledi. Ónimder Astana bazarlarynda qalyptasqan ortasha baǵadan tómen baǵamen satylady. Jármeńkede azyq-túlik ónimderinen basqa halyqtyq kásip pen qolóner buıymdary usynylady.
