Astanada aýyl sharýashylyǵyndaǵy jetistikterge arnalǵan «Qaraótkel-2012» jármeńkesi ótedi
ASTANA. 16 shilde. QazAqparat - Astanada 20-21 shilde kúnderi agroónerkásip keshenindegi jetistikterge arnalǵan jyl saıynǵy «Qaraótkel-2012» jármeńkesi ótedi.
Aýyl sharýashylyǵy mınıstrliginiń resmı saıtyndaǵy derekterge súıensek, jármeńke «METRO» halyqaralyq kóterme saýda ortalyǵy aýmaǵynda ótedi.
Sharanyń ashylý saltanatyna Premer-Mınıstr Kárim Másimov, Aýyl sharýashylyǵy mınıstri Asyljan Mamytbekov, Astana ákimi Imanǵalı Tasmaǵambetov, «QazAgro» ulttyq holdınginiń basshylary men aımaq jetekshileri qatysady dep kútilýde.
Jármeńkede tuqymdyq mal, AÓK arnalǵan zamanaýı tehnıka men qondyrǵylar, sút, et, makaron jáne taǵy da basqa aýylsharýashylyq ónimderi usynylady.
