Astanada Automechanika Astana 2026 halyqaralyq kórmesi ótedi
ASTANA. KAZINFORM — 10-12 maýsym aralyǵynda Astana qalasyndaǵy «EXPO» halyqaralyq kórme ortalyǵynda Automechanika Astana 2026 halyqaralyq kórmesi uıymdastyrylady, dep habarlaıdy Saýda jáne ıntegratsııa mınıstrliginiń baspasóz qyzmeti.
Bul — Ortalyq Azııadaǵy avtomobıl komponentteri, servıstik jabdyqtar, logıstıka, maılar men avtohımııa salasyndaǵy eń iri salalyq is-shara. Kórme Qazaqstannyń halyqaralyq saýdasyn damytýǵa jáne jahandyq jetkizý tizbekterine ıntegratsııalanýyna arnalǵan mańyzdy alań sanalady.
Bıyl shara 10 jyldyq mereıtoıyn atap ótedi. Oǵan Germanııa, Frantsııa, Qytaı, Koreıa, Túrkııa jáne basqa da elderden 400-den astam kompanııa qatysady.
Kórmeni Messe Frankfurt GmbH halyqaralyq kompanııasy uıymdastyrady, al Ortalyq Azııadaǵy resmı ókil — Business Media Central Asia (BMCA).
Іs-shara aıasynda B2B kezdesýler, jańa tehnologııalar tanystyrylymy jáne saraptamalyq sessııalar ótedi.
Kórmege kirý tegin.
Buǵan deıin Astanada ótken IX «Ulttyq Ónim – 2026» kórmesine bıyl 35 myńnan astam adam kelgen. Kórmege 600-ge jýyq kásipker qatysyp, otandyq ónimderdiń jańa túrlerin usynǵanyn jazdyq.
