Astanada aýtızmi bar balalardy qoldaýǵa arnalǵan qaıyrymdylyq marafony ótedi
ASTANA. KAZINFORM – Astananyń Trıatlon parkinde ótetin ekinshi «Run for autism» qaıyrymdylyq júgirýge 2 myńnan astam adam tirkelgen.
Qaıyrymdylyq júgirý aýtızm týraly aqparatty taratý maqsatynda, aýtızmi bar adamdardyń ómir sapasyn jaqsartý, olardyń áleýmettenýi jáne óz qabiletterin júzege asyrýy úshin jaǵdaıdy qamtamasyz etý maqsatymen «Bolashaq» korporatıvtik qory seriktesterdiń qoldaýymen ótkizedi. Jınalǵan qarajat balabaqshalarda aýtızm jáne basqa mentaldyq buzylystary bar balalarǵa arnalǵan ınklıýzııany qoldaý kabınetterin ashýǵa baǵyttalady. 2023 jyldyń sáýirinde birinshi qaıyrymdylyq júgirisinen túsken qarajatqa «Bolashaq» qory Astana qalasy №54, №60 jáne №66 balabaqshalarynda úsh ınklıýzııany qoldaý kabınetin jabdyqtady. Aýtıstik spektriniń buzylystary bar 18 bala osy kabınetterde dáris oqıdy.
Júgiris 1 km., 2,5 km., 5 km. jáne 10 km tórt qashyqtyq boıynsha ótkiziledi. Qatysý baǵasy 5 990 teńgeden bastap 8 990 teńgege deıin. Formaty: oflaın, onlaın. Júgiriske kásibı sportshylar, júgirýshiler, áýesqoı sportshylar, erekshe balalar men olardyń ata-analary jáne t.b. qatysady.
Júgiriske Qazaqstannyń 17 qalasynan 2300 adam tirkeldi. Onlaın júgiriske 8 qaladan 14 adam tirkeldi. Júgiris qonaqtary: MMA jáne djıý-djıtsýdan bes dúrkin álem chempıony, QR eńbek sińirgen sport sheberi Aıdar Mahmetov, arnaıy kúsh nómirleri boıynsha tórt dúrkin rekordsmen, Gınness kitabynyń rekordsmeni jáne Qazaqstannyń alty dúrkin rekordsmeni palýan Sergeı Tsyrýlnıkov jáne basqalary.
Іs-shara sheginde aýtızm jáne basqa damý erekshelikteri bar balalarǵa arnalǵan «Kóńildi starttar» sporttyq-oıyn estafetasy ótkiziledi.
Júgiriske qatysýshylar arasynda baǵaly júldeler: smartfondar, premıaldy kıim brendteriniń, kofehanalardan, stomatologııalyq klınıkalardan, júzý mektebinen syılyq sertıfıkattary, fıtness-ortalyǵynan bir jyldyq abonement jáne t.b. utys oıynynda tartylady.
«Run for autism» qaıyrymdylyq júgirisi Astana qalasynyń ákimdiginiń, «Amanat» partııasynyń, «ERG» kompanııalar tobynyń, «Integra Construction» kompanııasynyń, «NAK» qurylys holdınginiń, «SF» qazaqstandyq dámdi taǵamdar jelisiniń, «Myd Production» kompanııasynyń, «G-life» aýyz sýynyń, «K-cell» kompanııasynyń, «Argymaq» premıaldy brendiniń, «ZAVOD» ıvent agenttiginiń, «NV Clinic» stomatologııasynyń, «Teethalign» kompanııasynyń, «Templ» fıtness ortalyǵynyń, «WOW Swim» júzý mektebiniń, «Teń múmkindikter álemi» QQ, «Coffee Day» álemdik kofehanalar jelisiniń, «SL» kompanııasynyń, Qazaqstandyq sportshylar keńesiniń «Nomad Triathlon Club», «My Start», Halyqaralyq baǵdarlamalar ortalyǵynyń qoldaýymen ótedi.
Aqparattyq seriktester: «NUR Media» medıaholdıngi, «Kazaqaparat» HAA, «Jibek joly» telearnasy, «Sxodim», «A98 – novostı Astany», «Habar» Agenttigi» AQ, «24KZ» telearnasy, «Smartnews» portaly, «Super Kyz», «Begý basta».
Run for autism — aýtızmdi zertteýdi qoldaý úshin qarajat jınaýǵa arnalǵan halyqaralyq bastama. Run for autism formattary: marafon, jartylaı marafon, trıatlon, júgiris jáne t.b. Olar álemniń eń iri qalalarynda ótkiziledi: Nıý-Iork, London, Berlın, Chıkago, Pıtsbýrg jáne t.b.
