Astanada aýrýhanany basqarý mamandyǵynyń alǵashqy túlekterine bilim týraly kýálikter tapsyryldy
ASTANA. Jeltoqsannyń 11-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde «Aýrýhanany basqarý salasyndaǵy mamandardy daıarlaý» magıstrlik baǵdarlamasynyń alǵashqy túlekterine kýálik tapsyrý rásimi boldy,
dep habarlaıdy QazAqparat.
Buǵan deıin QR Ulttyq medıtsınalyq holdıngi, Eýrazııa ulttyq ýnıversıteti jáne Astana medıtsınalyq ýnıversıtetiniń arasynda aýrýhanany basqarý salasyndaǵy mamandardy daıarlaý boıynsha arnaıy kelisimshart rásimdelgen bolatyn. Oǵan sáıkes Astana medıtsınalyq ýnıversıtetiniń 20 túlegi Eýrazııa ulttyq ýnıversıtetiniń Ekonomıka fakýltetiniń magıstratýrasyn támamdap shyqty. Endi olar aýrýhanany basqarý mamandyǵynyń alǵashqy magıstr-mamandary atanyp otyr.
Búgingi is-shara barysynda QR Ulttyq medıtsına holdıngi basqarmasynyń tóraǵasy Almas Sharman, Eýrazııa ulttyq ýnıversıteti men Astana medıtsınalyq ýnıversıtetiniń basshylyǵy jas mamandarǵa bilim týraly kýálikterdi tapsyrdy.
