Astanada aýrýhana qyzmetkeri naýqastyń altynyn urlap, lombardqa ótkizgen
ASTANA. KAZINFORM — Astanada polıtsııa medıtsınalyq mekemede em alyp jatqan patsıenttiń altyn áshekeılerin urlady degen kúdiktini ustady.
Áıel aýrýhanaǵa jatqyzylǵan kezde ózimen birge altyn syrǵasy men alqasyn alyp kelgen. Alaıda biraz ýaqyttan keıin onyń týystary zergerlik buıymdardyń joǵalǵanyn baıqap, polıtsııaǵa júgingen.
Jedel-izdestirý sharalary barysynda krımınaldyq polıtsııa qyzmetkerleri kúdiktiniń jeke basyn anyqtady. Ol medıtsınalyq mekemeniń burynǵy qyzmetkeri, 22 jastaǵy azamat bolyp shyqty.
Aldyn ala málimet boıynsha, kúdikti urlanǵan altyn buıymdardy lombardqa tapsyrǵan. Zattaı dáleldemeler tárkilendi.
Qazir atalǵan fakti boıynsha sotqa deıingi tergeý júrgizilip jatyr.
Polıtsııa azamattardy jeke múlkine muqııat bolýǵa úndedi. Zattardyń joǵalǵanyn baıqasańyz, dereý polıtsııaǵa habarlasý qajet.
Eske salaıyq, buǵan deıin Astanada er adam buryn ózi kúzetken nysannan 21 mln teńgeniń kabelin urlap ketkenin jazǵanbyz.
